मूलपाटीको पाँच वर्षे यात्रा सराहनीय र प्रेरणादायी छ : अध्यक्ष बिष्ट

मूलपाटीको पाँच वर्षे यात्रा सहराहनी र प्रेरणादायी भएको रहेको छ । 

मूलपाटी अनलाइन पत्रिकाको पाँचौँ वर्ष पूरा भई छैटौँ वर्षमा प्रवेश गरेको सुअवसरमा सानीभेरी गाउँपालिका तथा मेरो व्यक्तिगत तर्फबाट हार्दिक मङ्गलमय शुभकामना व्यक्त गर्दछु ।

​स्थानीयस्तरका विषयवस्तु, जनसरोकारका सवाल, विकास निर्माण र सुशासनका मुद्दाहरूलाई सत्य, तथ्य र निष्पक्ष रूपमा उठाइ, जनताको आवाज बन्ने, यस मिडियाको पाँच वर्षको यात्रा अत्यन्तै सराहनीय र प्रेरणादायी रहेको छ। आगामी दिनमा पनि यसले पत्रकारिताको धर्म र मर्मलाई आत्मसात् गर्दै अझ बढी परिपक्व, उत्तरदायी र प्रभावकारी बन्नेछ भन्नेमा हामी विश्वस्त छौँ।

दुर्गम क्षेत्रका जनजीवन, स्थानीय सम्भावना र समस्याहरूलाई राष्ट्रियस्तरसम्म पुर्‍याउन मूलपाटीले खेलेको भूमिका प्रशंसनीय छ।

डिजिटल पत्रपत्रिकाको कठिन यात्रामा पनि पाँच वर्षसम्म निरन्तर पाठकसमक्ष सुचना पुर्‍याउन सफल भएकोमा सम्पूर्ण टिम बधाईको पात्र हुनुहुन्छ।
मूलपाटीले कतिपय समसामयिक घटना र स्थानीय गतिविधिको समाचार प्रकाशनमा केही ढिलाइ हुने गरेको महसुस गरिएको छ। सूचनाको यो युगमा गति र सत्यता दुवै उत्तिकै महत्त्वपूर्ण हुन्छन्। यसलाई सुधार गर्न आवश्यक रहेको छ ।

​गाउँपालिका वा स्थानीय सरकारले ल्याएका योजना, बजेट विनियोजन र तिनको कार्यान्वयनको अवस्थाबारे रचनात्मक समीक्षात्मक लेख तथा रिपोर्टहरूलाई प्राथमिकता दिनुपर्ने देखिन्छ । 

स्थानीय सरकारका आधिकारिक धारणा वा सूचना लिने सन्दर्भमा दुईतर्फी समन्वय केही कमजोर भएको महसुस भएको छ। एकतर्फी वा अपुरो सूचनाले समाजमा भ्रम सिर्जना हुन सक्ने हुँदा समाचार प्रकाशनपूर्व हरेक सञ्चार माध्यामले आधिकारिक निकाय वा व्यक्तिसँगको सहकार्यलाई अझ मजबुत बनाउन आवश्यक छ।

साथै ​छैटौँ वर्षको यो नयाँ यात्राले मूलपाटीलाई थप उचाइमा पुर्‍याओस्, प्रेस स्वतन्त्रताको दायरा अझ फराकिलो होस् र सानीभेरी गाउँपालिका लगायत सिङ्गो देशको सुशासनमा यसले सधैँ पहरेदारी गरिरहोस्। हार्दिक शुभकामना । 

बिर्ख बहादुर बिष्ट
अध्यक्ष 
सानीभेरी गाउँपालिका, रुकुम पश्चिम