रास्वपा चौरजहारीको प्रथम नगर सम्मेलन सम्पन्न, सभापतिमा प्रविन चयन 

राष्ट्रिय स्वतन्त्र पार्टी (रास्वपा) चौरजहहारीको सभापतिमा प्रविन बुढाथोकी चयन हुनुभएको छ । 

शनिबार चौरजहारी नगपालिका २ मा भएको प्रथम नगर सम्मेलनबाट सभापतिमा प्रविन बुढाथोकी सर्वसम्मत चयन हुनुभएको हो । 
निर्वाचन समितिका संयोजक पुस्तक चन्दका अनुसार नौ सदस्यीय नगर कार्यसमितिका सबै पदाधिकारी र सदस्यहरु निर्विरोध चयन हुनुभएको हो । 

कार्य समितिको उपाध्यक्षमा अजिव कुमार मल्ल, सचिवमा डिल्ली बुढाथोकी, सह सचिवमा तारा गोसाई र कोषाध्यक्षमा मोगेश शाह चयन हुनुभएको छ । त्यसैगरी सदस्यहरुमा असबिर खत्री, कृष्ण बिक, रामबहादर बोहरा र कृष्ण बुढा चयन हुनुभएको छ । दुई जना सदस्यहरु पछि मनोनित हुने बताईएको छ । 

रास्वपाका जिल्ला सभापति मानबहादुर शाहीको प्रमुख आतिथ्यतामा सम्पन्न प्रथम नगर सम्मेलनमा जिल्ला उपसभापति रिम प्रसाद शर्मा, युवा नेता पुस्तक चन्द, हुकुम बिसी लगायतको आतिथ्यता रहेको थियो ।