मन्त्री सीता बादी आज रुकुम पश्चिम आउँनु हुँदै

नेपाल सरकारका महिला, बालबालिका, लैङ्गिक तथा यौनिक अल्पसङख्यक र सामाजिक सुरक्षा मन्त्री सीता बादी आज रुकुम पश्चिम आउँनुहुने भएको छ ।

आमा समूह, विपद् प्रभावित महिला, बालबालिका तथा दलित समुदायसँग अन्तरक्रियाको लागि उहाँ रुकुम आउनुहुने भएको हो । राष्ट्रिय स्वतन्त्र पार्टीका युवा नेता पुस्तक चन्दका अनुसार मन्त्री बादीसहितको उहाँको सचिवालय टिम आज बेलुका रुकुम पश्चिम पुग्ने कार्यक्रम रहेको छ ।

उहाँले जिल्लाको त्रिवेणी गाउँपालिकाको सिम्रुतु, सानीभेरी गाउँपालिकाको सिम्ली र चौरजहारी नगरपालिकामा विपद् प्रभावित महिला, बालबालिका तथा दलित समुदायसँग भेटघाट गर्ने कार्यक्रम तय भएको बताउनुभयो । सल्यान हुँदै आज बेलुका रुकुम आउनुहुने मन्त्री बादीसँग आजै बेलुका त्रिवेणी गाउँपालिकाको सिम्रुतुमा विपद् प्रभावित महिला, बालबालिका तथा दलित समुदायसँग भेटघाट कार्यक्रम रहेको छ ।

त्यसैगरी भोली बिहिबारका दिन बिहान सानीभेरी गाउँपालिकामा सामाजिक सुरक्षा तथा बाल संरक्षण कार्यक्रमको अनुगमन कार्यक्रममा सरिक हुने कार्यक्रम तय भएको छ । बिहिवारका दिन नै चौरजहारी नगरपालिकामा आमा समूह, विपद् प्रभावित महिला, बालबालिका, दलित समुदाय तथा बौद्धिक व्यक्तित्वहरूसँग अन्तरक्रिया गर्ने कार्यक्रम समेत निर्धारण भएको नेता चन्दले जानकारी दिनुभयो ।

यस क्रममा मन्त्री समक्ष जिल्लाका समस्या, गुनासा तथा रचनात्मक सुझाव राख्न समेत रास्वपा रुकुम पश्चिमले आग्रह गरेको छ ।