नेपाली कांग्रेस (देउवा पक्ष) रुकुम पश्चिमको क्षेत्रिय र पालिका सभापति चयन

नेपाली कांग्रेस (देउवा पक्ष) रुकुम पश्चिमले प्रदेश क्षेत्रिय सभापति र पालिका सभापतिको विवरण सार्वजनिक गरेको छ । 

पार्टीको १५ औँ केन्द्रीय महाधिवेशन अन्तर्गत आठौ जिल्ला अधिवेशनबाट दुई प्रदेश निर्वाचन क्षेत्र र ६ पालिकाका सभापतिहरु सर्वसम्वत निर्वाचित भएको पार्टीले जनाएको छ । 

निर्वाचन अधिकृत विष्णु बहादुर बुढाथोकीका अनुसार जिल्लाको आठौ जिल्ला अधिवेशनबाट प्रदेश सभा क को क्षेत्रिय सभापतिमा हर्कबहादुर केसी र प्रदेश सभा ख को क्षेत्रिय सभापतिमा वीरबहादुर खडका सर्वसम्मत निर्वाचन हुनुभएको हो ।

यसैगरी तीन नगरपालिका र गाउँपालिकाका सभापति पनि सर्वसम्मत निर्वाचित भएको बताईएको छ । मुसिकोट नगरपालिकाको सभापतिमा श्रीकुमार शर्मा, चौरजहारीको सभापतिमा मोहन विक्रम थापा र आठविसकोट नगरपालिकाको सभापतिमा नौलु जैसी निर्वाचित हुनुभएको छ । 

यसैगरी बाँफिकोट गाउँपालिकाको कार्यसमिति सभापतिमा दिपेन्द्र कुमार देवकोटा, सानीभेरीको सभापतिमा यज्ञवहादुर ओली र त्रिवेणीको सभापतिमा राजेश खड्का निर्वाचित हुनुभएको छ ।

यस अघि गत मंगलवारका दिन पार्टीको मुसिकोटस्थित सम्पर्क कार्यालयमा पत्रकार सम्मेलन आयोजना गरेर आठौ जिल्ला अधिवेशनबाट निर्वाचित जिल्ला कार्यसमिति, महाधिवेशन प्रतिनिधि र महासमिति सदस्यहरुको विवरण सार्वजनिक गरिएको थियो ।