रुकुम पूर्वका एमाले उम्मेदवार गौतमको निर्वाचन खर्च पाँच लाख १५ हजार

फागुन २१ गते सम्पन्न प्रतिनिधि सभा सदस्य निर्वाचनमा नेकपा (एमाले) रुकुम पूर्वका उम्मेदवार रहनु भएका लिलामणि गौतमले निर्वाचनको खर्च बुझाउनु भएको छ । 

गौतमले बिहिबार जिल्ला निर्वाचन कार्यालयमा खर्च विवरण बुझाउनु भएको हो । प्रतिनिधि सभा सदस्य निर्वाचन ऐन, २०७४ को दफा ७२ बमोजिम आफुले जम्मा पाँच लाख १५ हजार रुपियाँ खर्च गरेको उम्मेदवार गौतमले जानकारी दिनुभयो । 

उहाँका अनुसार उम्मेदवारी दर्ता शुल्कमा दश हजार, सवारी साधन भाडा खर्चमा ७५ हजार, सवारी साधन ईन्धन खर्चमा ९० हजार ३७५ र निर्वाचन सामाग्री खर्चमा दुई लाख ३५ हजार सात सय खर्च भएको छ । 

त्यसैगरी निर्वाचन प्रचार सामाग्री खरिदमा ३८ हजार र खाना, खाजा तथा बास खर्चमा ६५ हजार ९२५ रुपियाँ खर्च भएको विवरण गौतमले निर्वाचन आयोगमा बुझाउनु भएको छ । 

यसका साथै उम्मेदवार गौतमले आम्दानी रकम र शिर्षक पनि निर्वाचन कार्यालयमा बुझाउनु भएको छ । उहाँले पाँच लाख १५ हजार रुपियाँ साथीभाई तथा पारिवारीक रुपमा उपलब्ध भएको जनाउनुभएको छ । 

यस अघि नेपाली कांग्रेसका उम्मेदवार कुसुदेवी थापाले पनि आफ्नो खर्च विवरण बुझाईसक्नु भएको छ । उहाँले १७ लाख १९ हजार ७८३ रुपियाँ ७४ पैसा खर्च भएको विवरण बुझाउनु भएको छ ।