चौरजहारीमा नेकपाको जनभेटघाट, जनताको लाेभलाग्दाे सहभागीता 

रुकुम पश्चिममा नेपाली कम्युनिष्ट पार्टी (नेकपा)को तर्फबाट आसन्न प्रतिनिधि सभा सदस्य निर्वाचनमा उम्मेदवारी दिनुभएका गोपाल शर्माको गृह नगर चौरजहारीमा उहाँको पक्षमा जनलहर बढेको देखिन्छ । 

शुक्रबारबाट चौरजहारीमा प्रवेश गरेको नेकपाको चुनावी अभियान टोलीलाई कार्यकर्ताहरुको उल्लेख्य सहभागिताको नारा जुलुस, बाजागाजासहितको स्वागत र कार्यकर्ताहरुको उत्साहले गोपाल शर्माको पक्षमा आफ्नै गृह नगरमा लोभलाग्दो जनलहर देखिएको हो । 

शुक्रबार वडा नम्वर १, २ र ३ मा घरदैलो तथा अन्तरक्रिया कार्यक्रम सम्पन्न गरेको नेकपाले शनिबार वडा नम्वर ४, ५ र ६ मा उत्साहपूर्वक जनभेटघाट सम्पन्न गरेको जनाएको छ । यस अवसरमा आफ्नै जन्मथलो वडा नम्वर ५ स्थित सहित पार्कमा भएको जनभेटघाट तथा अन्रक्रिया कार्यक्रममा उम्मेदवार शर्माले निष्ठा, इमानदारीता र जनताप्रतिको उत्तरदायित्व नै आफ्नो पहिचान भएको बताउनु भएको छ । 

यस अवसरमा उहाँले १२ बर्षकै उमेरमा यहि ठाउँबाट कम्युनिष्टको झन्डा बोकेको बताउनुहुँदै अहिलेसम्म कतै नझुकेको बताउनुभयो । उहाँले वडामा आफू लगायत ३÷४ जनाले कम्युनिष्टको बिजारोपन गरेको स्मरण गर्नुहुँदै जनताको शिर निहुरिने काम नगरेको दाबी गर्नुभयो । 

प्रतिस्पर्धी उम्मेद्वारतर्फ लक्षित गर्दै उहाँले पार्टीबाट निरन्तर अवसर लिने, चुस्ने र जनतालाई धोका दिएर भाग्ने छुट कसैलाई नभएको बताउनुभयो । आफू सधै जनताको सेवक भएको र अब पनि जनताकै साथ र सल्लाहबाट असल सेवक भन्ने प्रतिबद्धता शर्माको रहेको छ ।