सुशासन र समृद्धिका लागि मेरो उम्मेदवारी : नरेन्द्र केसी

आसन्न प्रतिनिधि सभा सदस्य निर्वाचनमा रुकुम पश्चिमबाट प्रतिनिधि सभा सदस्यमा उज्यालो नेपाल पार्टीबाट उम्मेदवारी दिनुभएका नरेन्द्र केसीले सुशासन र समृद्धिका लागि आफूले उम्मेदवारी दिएको बताउनुभएको छ । 

मंगलबार मुख्य निर्वाचन अधिकृतको कार्यालयमा मनोनयन दर्तापछि प्रतिक्रिया दिनुहुँदै केसीले जिल्लाको सुशासन, समृद्धि र सामाजिक न्यायको पक्षमा काम गर्न आफूले उम्मेदवारी दिएको जनाउनुभयो । 

उहाँले समग्र विकासको लागि तिब्रतम हिसाबले काम गर्न आफू प्रतिनिधि सभा सदस्यमा उठेको बताउनुभयो । समन्वय र सहकार्यमार्फत सामाजिक न्यायको पक्षमा काम गरेर खुशी जनता र उज्यालो मुलुक बनाउन चाहेको केसीले उल्लेख गुर्नभयो । 

यसका साथै नीति, ऐन, कानून निर्माणमा महत्वपूर्ण भूमिका निर्वाह गर्न पनि आफूले उम्मेदवारी दिएको केसीले जनाउनुभयो ।