मनोनयन दर्ता सार्वजनिक गर्दै गोपाल शर्माले भने : 'जनता नै इतिहाँसको निर्माता हो'

रुकुम पश्चिम । आसन्न प्रतिनिधि सभा सदस्य निर्वाचनमा मनोनयन दर्ता गराएपछि नेपाली कम्युनिष्ट पार्टीका उम्मेदरवार गोपाल शर्माले जनता नै इतिहाासको निर्माता भएको सन्देश प्रवाह गर्नुभएको छ । 

मंगलबार मुसिकोटस्थित मुख्य निर्वाचन अधिकृतको कार्यालयमा उम्मेदवारी मनोनयन गर्नुभएका शर्माले मनोनयन दर्ताको निस्सा सार्वजनिक गर्दै आफू औपचारिक रुपले निर्वाचनको मैदानमा खडा भएको जनाउनुभएको छ । 

उहाँले भन्नुभएको छ, म प्रति रुकुमेली जनताको माया र सदभावको उच्चता यो पटकको निर्वाचनमा पनि व्यक्त हुने अपेक्षा गरेको छु । नेपाली कम्युनिष्ट पार्टीको उमेदवारको विजयले रुकुमेली जनताको खुशी र संमृद्धीको साथै कम्युनिष्ट आदर्शलाई पनि नयाँ उचाईमा व्यक्त गर्नेछ । 

शर्माले उम्मेदवारी दर्तापछि पत्रकारहरुसँग संक्षिप्त प्रतिक्रिया दिनुहुँदै रुकुमेली जनताको लागि निरन्तर संघर्षरत रहेको र जिल्लावासीको सुख र समृद्धिको लागि काम गर्ने बताउनुभएको छ । 
रुकुममा कम्युनिष्ट संगठन बलियो भएकोले यो विरासत जोगाईराख्न आफू उम्मेदवार भएको उहाँको भनाइ छ । 

आफ्ना अग्रज नेता जनार्दन शर्मा प्रभाकरलाई लक्षित गर्दै शर्माले जनार्दन आफ्नो सम्मानित नेता भएको र उहाँको हालसम्मको सक्रियतालाई धन्यवाद दिनुपर्ने उल्लेख गर्नुभयो । शर्माले भन्नुभयो, "जनार्दनले म तिर फर्केर हेर्नुभयो भने मलाई नै मतदान गर्नुहुन्छ भन्नेमा म विश्वस्त छु ।"