सानीभेरीको सातौं राष्ट्रपति रनिङ शिल्डमा राप्ती ज्ञानोदयकाे जित

रुकुम पश्चिमको सानीभेरी गाउँपालिकामा भएको सातौं राष्ट्रपति रनिङ शिल्ड प्रतियोगितामा राप्ती ज्ञानोदय माध्यमिक विद्यालयले जित हाँसिल गरेको छ । कार्तिक २३ गतेबाट सञ्चालन भएको प्रतियोगिता बुधबार सम्पन्न भएको हो ।

उक्त शिल्डमा २६ स्वर्ण, ६ रजत र ४ कास्य सहित जम्मा ३६ पदक प्राप्त गरी राप्ती ज्ञानोदय माध्यामिक विद्यालय प्रथम भएको गाउँपालिकाका प्रमुख शिक्षा अधिकृत भूपाल सिं बिष्टले जानकारी दिनुभयो ।  

शिल्डमा ४ स्वर्ण, १३ रजत, ७ कास्य सहित जम्मा २४ पदक प्राप्त गरी सूर्योदय मावि बेल्टापू दोस्रो र ४ स्वर्ण, ९ रजत र ७ कास्य सहित जम्मा २० पदक प्राप्त गरी सानीभेरी मावि बलिबाङ तेस्रो भएका छन्।

गाउँपालिकाका १३ वटा माध्यमिक तहका विद्यालयको सहभागिता रहेको शिल्डमा दौड, उफ्रने र फ्याँक्ने, भलिबल, तेक्वान्दो र एकल पुम्सेमा प्रतिस्पर्धा भएको थियो । छात्र, छात्रा भलिबल, छात्र, छात्रा  १ सय मिटर, २ सय मिटर, ४ सय मिटर, ८ सय मिटर, १५ सय मिटर र ३ हजार दौड मिटर तथा विभिन्न दुरीको रिले दौडमा विद्यार्थीहरूले प्रतिस्पर्धा गरेका थिए । 

त्यस्तै छात्र, छात्रा हाइजम्प, लङजम्प, त्रिपलजम्प, ज्याभलिङ थ्रो, सटफुट, तेक्वान्दो र एकल पुम्सेमा पनि प्रतिस्पर्धा गरेका थिए ।