सोसल मिडिया
रुकुमका क्रियाशिल पत्रकार महेश केसीलाई 'डेकेन्द्र थापा स्मृति पत्रकारिता पुरस्कार' प्रदान गरिएको छ ।
कान्तिपुर टेलिभिजन र कान्तिपुर दैनिकमा कार्यरत पत्रकार केसीलाई प्रेस चौतारीको २६ औं स्थापना दिवसको अवसरमा पुरस्कृत गरिएको हो ।
केसीसहित अन्य छ जना पत्रकारलाई काठमाडौमा आयोजित एक कार्यक्रमका बिच सोमबार पुरस्कृत गरिएको हो । एमाले उपाध्यक्ष विष्णु पौडेलले उहाँहरुलाई पुरस्कार प्रदान गर्नुभएको हो ।
उक्त अवसरमा 'हृदयचन्द्रसिंह प्रधान स्मृति पत्रकारिता पुरस्कार' अन्नपूर्ण पोस्टका प्रधान सम्पादक अखण्ड भण्डारीलाई , 'अग्निशिखा स्मृति पत्रकारिता पुरस्कार' सिन्धुपाल्चोकका माधव नेपाललाई , 'वीरेन्द्रकुमार साह क्रियाशील पत्रकारिता पुरस्कार' रौतहटका फनिदेव महतलाई , 'सावित्रीदेवी–पद्मलक्ष्मी बस्नेत स्मृति पत्रकारिता पुरस्कार' काभ्रेकी काजल तामाङलाई र 'चन्द्र न्यौपाने शान्तिराम कार्की स्मृति पत्रकारिता पुरस्कार' रामेपछापकी यसिमा महतलाई प्रदान गरिएको छ ।
