दशौं राष्ट्रिय खेलकुद मंसिर १६ गतेबाट कर्णालीमा हुने

शिक्षा तथा खेलकुदमन्त्री सस्मित पोखरेलले दशौं राष्ट्रिय खेलकुद प्रतियोगिता नसर्नेमा ढुक्क हुन आग्रह गर्नुभएको छ।

दशौं खेलकुदको मूल आयोजक समितिको आइतबार सुर्खेतमा बसेको बैठकलाई सम्बोधन गर्दै उहॅाले दशौं राष्ट्रिय खेलकुदको उत्सव आजैबाट सुरु भएको उल्लेख गर्नुभयो।

दशौं राष्ट्रिय खेलकुद हुने हो कि होइन भनेर कसैले पनि दुविधा नमान्न आग्रह गर्नुहुँदै उहाँले दशौं राष्ट्रिय खेलकुदको उत्सव आजैबाट सुरु भएकाे र प्रतियोगिता मात्र मंसिर १६ गतेबाट हुने बताउनुभयाे । 

मन्त्री पोखरेलले अघिल्लो राष्ट्रिय खेलकुदभन्दा प्रभावकारी ढङ्गले यस पटकको प्रतियोगिता हुने विश्वास व्यक्त गर्नुभयो। उहाँले खेलकुद प्रतियोगितालाई राम्रोसँग सञ्चालन गर्नका लागि तीन तहका सरकार, सम्पूर्ण सरोकारवाला, सबैजना मिलेर गर्नुपर्ने अवस्था आएको उल्लेख गर्नुभयो।