नेभिगेशन
समाज

रुकुमको घ्यु खोलाबाट १६१ थान काठ सहित दुई व्यक्ति पक्राउ

रुकुम पश्चिममा अवैध रुपमा काठ काटेको आरोपमा दुई व्यक्ति पक्राउ परेका छन् । 

डिभिजन वन कार्यालय रुकुम पश्चिमले विभिन्न प्रजातीका १६१ थान काठसहित उनीहरुलाई गएराती मुसिकोट नगरपालिका -३ घ्यु खोलाबाट पक्राउ गरेको जनाएको छ । 

पक्राउ पर्नेहरुमा मुसिकोट नगरपालिका -३ का ३९ वर्षीय शेरबहादुर बिक र सोही वडा निवासी ५४ वर्षीय कृष्णबहादुर केसी रहेका छन् । डिभिजन वन कार्यालयका प्रमुख शेरबहादुर परियारका अनुसार उनीहरुले अवैध रुपमा कटान मुछान गरेकोले काठसहित उनीहरुलाई नियन्त्रणमा लिइएको हो । 

रातीको समयमा काठ काटेर लुकाउने काम गरेकोले उनीहरु पक्राउ परेका हुन् । उनीहरुले लुकाए राखेको विभिन्न प्रजातीको चिरान र गोलिया थान काठ बरामद समेत गरिएको छ ।

डिभिजनल प्रमुख परियारले अवैध रुपमा रुपमा कटान मुछान गरी लुकाई छिपाई राखिएको अवस्थामा ७८ थान टुनी प्रजातीको चिरान काठ र ३४ थान गोलिया काठ, साल प्रजातीको १८ थान गोलिया र एक थान चिरान काठ र मौवा प्रजाथीको ३० थान गोलिया काठ बरामद गरिएको जानकारी दिनुभयो ।

बरामद गरिएका काठरु विभिन्न नाप साईजकोे रहेका छन् । घटनामा संलग्न बिक र केसीलाई नियन्त्रणमा लिई थप अनुसन्धान कार्य भईरहेको डिभिजन वन कार्यालयले जनाएको छ । 

प्रकाशित मिति:
प्रतिक्रिया दिनुहोस्
थप समाज