सेरीगाउँमा पहिरो जाँदा के-के भयो क्षती ?

रुकुम पश्चिमको मुसिकोट नगरपालिका ५ सेरीगाउँमा पहिरो जाँदा ठुलो क्षती भएको छ । आईतबार दिउँसो गएको पहिरोले स्थानीय धनबहादुर बिकले सञ्चालन गर्नुभएको वर्कसपमा ठुलो क्षति भएको छ । 

जिल्ला प्रहरी कार्यालयका प्रहरी नायब उपरीक्षक (डिएसपी) बेदबहादुर पौडेलका अनुसार मध्यपहाडी राजमार्ग सडक छेउमा सञ्चालित युग ईन्जिनियरिङ वर्कसप पहिराले पुिरएको छ भने मर्मतको लागी ल्याई पार्किङ गरी राखेका सवारी साधनमा पनि क्षति भएको छ । 

अविरल वर्षापछि आएको पहिरोको कारण वर्कसप माथिबाट एक्कासी पहिरो आएको हो । पहिरोले गर्दा धन बहादुर बि.क.को १ तले जस्तापाता र फलामले बनेको ट्रस्ट भवन पूर्ण रुपमा क्षति भएको छ भने उहाँको ग्यारेजभित्रका सामाग्रीहरुमा क्षति भएको छ । 

त्यसैगरी स्थानीय पदम केसीको रा १ त ३७३६ र रा १ त ३६१७  नम्वरका दुई वटा ट्र्याक्टर पहिरोले च्यापिएका छन् भने प्रविण डाँगीको बा १ क २५०६ नम्वर को रोलर, मिक्चर र स्काभेटरको २ ओटा बकेट पहिरोमा पुरिएको छ । 

पहिरोको कारण स्थानीय बनिता मल्ल, हरिबहादर सुनार र हेम बहादुर पाण्डे घर जोखिममा रहेको प्रहरीले जनाएको छ । 

सम्बन्धीत समाचार ...

सेरीगाउँमा पहिरो जाँदा वर्कसप पुरियो

पहिरोको जोखिममा सेरीगाउँको नयाँबस्ती