भूतपूर्व सैनिक परिवारका अशक्त सदस्यलाई सहायक सामाग्री प्रदान

रुकुम पश्चिमस्थित नेपाली सेनाको चण्डीदल गणले भूतपूर्व सैनिक परिवारका अशक्त सदस्यहरुलाई सहायक सामाग्रीहरु उपलब्ध गराएको छ ।

आईतबार गणमा भएको भूतपूर्व सैनिक सम्मेलन, २०८२ को अवसरमा चार जना भूतपूर्व सैनिक परिवारका सदस्यहरुलाई सहायक सामाग्री प्रदान गरिएको हो । श्री नम्वर १९ वाहिनीका सहायक वाहिनिपति अनिल उपाध्यायले सैनिक परिवारमा फरक क्षमता भएका सदस्यहरुलाई सहायक सामाग्रीहरु हस्तान्तरण गर्नुभएको हो । 

चण्डीदल गणका अनुसार अनुसार सामाग्री पाउनेहरुमा रुकुम पश्चिमको मुसिकोट नगरपालिका ३ निवासी नेपाली सेनाका भूतपूर्व सैनिक हरिबहादुर पुन, रुकुम पूर्वको सिस्ने गाउँपालिका ५ निवासी भूतपूर्व सैनिक तिलकबहादुर शाहका छोरा महेन्द्र शाह, सोही स्थान निवासी भूतपूर्व सैनिक मानबहादुर बोहरा र पुथा उत्तरगंगा गाउँपालिका १२ निवासी भूतपूर्व सैनिक चंखबहादुर बुढा मगरका छोरा मोनिकर्ण बुढा मगर रहनुभएको छ ।

पुनलाई एल्भो क्रचेज, शाहलाई ह्विल चियर, बोहरालाई बैशाखी र बुढा मगरलाई सेतो छडि हस्तान्तरण गरिएको हो । 

सम्मेलनमा रुकुम पूर्व र रुकुम पश्चिम जिल्ला निवासी १०३ जना नेपाली सेनाका भूतपूर्व सैनिकहरुको सहभागीता रहेको छ । सम्मेलनमा सहायक वाहिनिपति अनिल उपाध्याय, चण्डीदल गणका गणपति प्रमुख सेनानी बिनिश श्रेष्ठ र भूतपूर्व सैनिकहरु बिचमा अन्तरक्रिया समेत गरिएको छ ।