कर्णाली प्रदेश खेलकुद विकास परिषद्को सदस्य सचिवमा रविन्द्र चन्द नियुक्त

कर्णाली प्रदेश सरकारले कर्णाली प्रदेश खेलकुद विकास परिषद्को रिक्त पदाधिकारी तथा सदस्य पदहरूमा नियुक्ति गरेको छ।

बिहीबार बिहान ८ बजे बसेको मन्त्रिपरिषद्को बैठकले परिषद्को रिक्त रहेको सदस्य सचिव पदमा वीरेन्द्रनगर नगरपालिका  -७ सुर्खेतका रवीन्द्र चन्दलाई नियुक्त गर्ने निर्णय गरेको हो।

त्यसैगरी, परिषद्को उपाध्यक्ष पदमा वीरेन्द्रनगर नगरपालिका वडा नम्वर ५ सुर्खेतका प्रमोद हमाललाई नियुक्त गरिएको छ।

बैठकले परिषद्को सदस्यहरुमा पंखबहादुर मल्ल, भीमकुमारी भुसाल, गोर्खबहादुर शाही, पवनकुमार थापा र  किरणकिशोर सापकोटालाई नियुक्त गर्ने निर्णय भएको प्रदेश सरकारका प्रवक्ता एवम् भूमि व्यवस्था, कृषि तथा सहकारी मन्त्री विनोदकुमार शाहले जानकारी दिनुभयो ।