शान्तीबजारमा बालुवा बोकेको ट्याक्टर घरमा ठोक्किएर दुर्घटना

रुकुम पश्चिमको चौरजहारी नगरपालिका ६ मा ट्याक्टर दुर्घटना भएको छ । 

गएराती ११ बजेको समयमा शान्तीबजारमा बालुवा बोकेर चौरजहारीबाट खोलागाउँतर्फ जाँदै गरेको रा १ त ५०५० नम्वरको ट्याक्टर स्थानीयको घरमा ठोक्किएको वडा अध्यक्ष जय प्रकाश बोहराले जानकारी दिनुभयो । उहाँका अनुसार ट्याक्टर स्थानीय झुपबहादुर बोहराको घरमा ठोक्किएको हो । 

ट्याक्टरले घरमा क्षती गरेको छ । तिब्र गतिमा रहेको ट्याक्टर घरभित्रै छिरेको तर कुनैपनि मानविय क्षती नभएकाे अध्यक्ष बोहराले जानकारी दिनुभयो । 

चालकले मदिरा सेवन गरेको कारण सडक भन्दा बाहिर ट्याक्टर गएर घरमा ठोक्किन पुगेको बताईएको छ ।