बैतडीमा ४.२ म्याग्निच्युडको भूकम्प, सुदूर पहाडमा धक्का

बैतडीको ऐरीगाउँलाई केन्द्रबिन्दु बनाएर ४.२ म्याग्निच्युडको भूकम्प गएको छ ।

आज दिउँसो १ बजेर ६ मिनेटमा भूकम्प गएको हो । राष्ट्रिय भूकम्प मापन तथा अनुसन्धान केन्द्रका भूकम्पविज्ञ राजेश शर्माका अनुसार बैतडीको ऐरीगाउँ केन्द्रबिन्दु भएर भूकम्प गएको हो ।

भूकम्पको धक्का बैतडीसहित सुदूरपश्चिमका पहाडी जिल्लाहरूमा महसुस गरिएको थियो ।

भूकम्पबाट भएको सम्भावित क्षति तथा अन्य विवरणबारे भने थप जानकारी प्राप्त हुन बाँकी छ ।