सानीभेरी दुर्घटना अपडेट : मृतकको पहिचान खुल्यो, चार जना गम्भिर घाईतेलाई हेलिकोप्टमार्फत उद्धारको तयारी
आईतबार (आज) बिहान रुकुम पश्चिमको सानीभेरी गाउँपालिका वडा नम्बर ३ र ६ को सिमानामा भएको दुर्घटनामा ज्यान गुमाउने २ जनाको पहिचान खुलेको छ ।
जिल्ला प्रहरी कार्यालयका प्रमुख प्रहरी नायव उपरीक्षक (डिएसपी) बेदबहादुर पौडेलका अनुसार मृत्यु हुनेमा एकजना जीप चालक र एक किशोरी रहेका छन् ।
त्रिवेणी गाउँपालिकाको रुघाँ निवासी चालक सुन्दर खड्का मगर र सानीभेरी गाउँपालिका ६ की १६ वर्षीया प्रेमकला पुनको घटनास्थलमै मृत्यु भएको उहाँले जानकारी दिनुभयो ।
दुर्घटनामा परेका अन्य चार जनाको अवस्था गम्भीर रहेको छ । उनीहरुलाई थप उपचारको लागि हेलिकोप्टरमार्फत सुर्खेत लिने तयारी भएको छ । जिल्ला प्रशासन कार्यालयले हेलिकोप्टर आउँदै गरेको जनाएको छ ।
डिएसपी पौडेलेका अनुसार अन्य घाईतेहरुके अवस्था मध्यम रहेको छ । उनीहरुलाई उपचारको लागि सानीभेरी गाउँपालिका अस्पतालमा ल्याईएको छ ।
सानीभेरी गाउँपालिका वडा नम्बर ६ को कोटगाउँबाट सानीभेरीकै सिम्लीतर्फ आइरहेको लु १ च ६०२९ नम्बरको जिप डाङडुगेमा दुर्घटना भएको हो । जिप सडकबाट करिब एक सय मिटर तल खसेको छ ।
दुर्घटनाको कारण भने खुलेको छैन । प्रहरीले थप विवरण संकलन भईरहेको र अनुसन्धान सुरु गरेको जनाएको छ ।
सानीभेरीको कोेटगाउँबाट सिम्ली आउँदै गरेको जीप दुर्घटना, २ जनाको घटनास्थलमै मृत्यु
रुकुममा गाडीको ठक्करबाट आमा छोरीको घटनास्थलमै मृत्यु
मुसिकोटको साधनचौरमा अटो र मोटरसाईकल ठोक्किँदा तीन जना घाईते
भेरी नदिमा जिप खस्दा गाडीधनी र चालक बेपत्ता, दुई जना घाईते
इभि भ्यानको ठक्करबाट घाईते भएकी महिलाको मृत्यु
रुकुममा माईतबाट फर्कदै गरेकी एक महिलालाई ईभी भ्यानले ठक्कर दिँदा गम्भीर घाइते, चालक फरार
