लघुवित्तद्वारा रुकुमकोटको लुस्पाधाराको सरसफाइ

रुकुम पूर्वको सिस्ने गाउँपालिका -६ रुकुमकोटस्थित लुस्पाधाराको सरसरफाई गरिएको छ ।

शुक्रबार नेरुडे मिर्मिरे लघुवित्त वित्तीय संस्था लिमिटेड शाखा कार्यालय रुकुमकोटका विभिन्न केन्द्रमा आवद्ध सदस्यहरुले लुस्पाधाराको सरसफाई गरेका हुन् । रुकुम पूर्वको मुख्य व्यापारिक बजार क्षेत्रमा पानी आपूर्ति हुँदै आएको लुस्पाधारा खानेपानी मुहान क्षेत्रमा फाहोर बढ्दै गएपछि लघुबित्तले सरसफाइ गरेको हो । 

लघुवित्तका प्रबन्धक नरद प्रसाद भण्डारीको अगुवाइमा रहेका विभिन्न केन्द्रका सदस्यहरुले पानीको मुहान वरपरका झाडी हटाउने, फोहोर व्यवस्थापन गर्ने कार्य गरका हुन्  । शाखा प्रबन्धक भण्डारीका अनुसार सुरक्षित र स्वच्छ पानीको पहुँच सुनिश्चित गर्न तथा मुहान संरक्षणमा संस्थागत रूपमा योगदान पुर्‍याउने उद्देश्यले सरसफाई गरिएको हो ।