घरमै लडेर घाईते भएका बालकलाई हेलिकोप्टर मार्फत उद्धार

रुकुम पूर्वबाट एक घाईते बालकको हेलिकोप्टर मार्फत उद्धार गरिएको छ । जिल्लाको सिस्ने गाँउपालिका -३ पोखरागाउँ निवासी लोकेन्द्र केसीका ७ वर्षीय छोरा प्रतुस केसीलाई थप उपचारको लागि हेलिकोप्ठमार्फत उद्धार गरिएको हो । 

जिल्ला प्रहरी कार्यालय रुकुम पूर्वका अनुसार बिहिबार दिउँसो आफ्नै घरमा खेल्ने क्रममा बालक बार्दलीबाट खसेका थिए । करिब सात फिट माथिबाट खसेर गम्भिर घाईते भएका उनीलाई उपचारको लागि जिल्ला अस्पताल रुकुमकोट ल्याईएको थियो । 

जिल्ला अस्पताल रुकुम पूर्वका अनुसार घाईतेको दाहिने खुट्टाको घुडा माथिको हड्डी भच्चिएको छ । बालक घाईतेको थप उपचाको लागि सुविधासम्पन्न अस्पतालमा लैजान रिफर भएपछि नेपाली सेनाको एनए०६६ कलसाईन हेलिकोप्टरमार्फत नेपालगंज लिईएको हो ।

जिल्ला अस्पतालमा सामान्य उपचारपछि रिफर गरिएका घाईते बालकको अवस्था मध्यम रहेको प्रहरीको भनाई छ ।