चौरजहारीमा क्रिकेट कप २०८२ सुरु

रुकुम पश्चिमको चौरजहारीमा क्रिकेट कप सुरु भएको छ। 

आज एक कार्यक्रमका बीच चौरजहारी नगरपालिकाका प्रमुख पुष्प बादीले 'चौरजहारी क्रिकेट कप, २०८२' कपको उद्घाटन गर्नुभएको हो। 

चौरजहारी क्रिकेट विकास समितिको आयोजना र शीतल चौरजहारी बि -६७ को सह आयोजना मा क्रिकेट कप आयोजना गरिएको हो ।

चौरजहारी नगरपालिका २ स्थित खेलमैदानमा खुला रुपमा प्रतियोगिताको आयोजना गरिएको हो । 

आयोजक समितिका अध्यक्ष तारा प्रकाश गिरी '' का अनुसार प्रतियोगितामा विभिन्न १२ ओटा समूहले भाग लिएका छन् । पछिल्लो समय यस क्षेत्रमा क्रिकेट खेल प्रति युवाहरुको आकर्षण बढिरहेको र प्रतियोगिताका माध्यमबाट पनि क्रिकेट खेलको विकास र विस्तारमा टेवा पुर्याउन प्रतियोगिता आयोजना गरिएको अध्यक्ष गिरीले जानकारी दिनुभयो ।