चौरजहारीमा एक लाख राशीको फुटबल प्रतियोगिता हुँदै

रुकुम पश्चिमको चौरजहारीमा खुला फुटबल प्रतियोगिता हुने भएको छ । 

शीतल चौरजहारी बी ६७ ले दसैं, तिहार तथा छठ पर्वको अवसरमा फुटबल प्रतियोगिताको आयोजना गरेको हो । 

प्रतियोगिताको विजेता समुहलाई एक लाख एक हजार १६७ रुपियाँ नगद पुरस्कारको साथमा ट्रफी, मेडल र प्रमाण पत्र व्यवस्था गरिएको छ । आयोजक समुहका बिक्रम बिष्टका अनुसार उपविजेतालाई ५१ हजार १६७ नगद रुपियाँको साथ ट्रफी, मेडल र प्रमाण पत्रकाे व्यवस्था गरिएको छ । 

प्रतियोगिता यहि असोज २९ गतेदेखि वडा नम्वर १ को नाखिरा माईकिदर्ता खेलमैदानमा संचालन हुने भएको छ । प्रतियोगितामा टिम दर्ता शुल्क १० हजार रुपियाँ राखिएको छ । 

प्रतियोगितामा प्लेयर अफ द सिरिज, सेमिफाईनल देखिको म्यान अफ द म्याच, वेष्ट किप्पर अफ द टोरनामेन्ट, हाई स्कोरर अफ द टोरनामेन्ट, प्राप्त गर्ने खेलाडीहरु लाई पनि उचित पुरस्कारको व्यवस्था गरिएको आयोजक समुहका तेजकुमार विष्टले जानकारी दिनुभयो ।