बैरागीठाँटीमा गएको पहिरोले विद्युत सेवा अवरुद्ध

रुकुम पश्चिमको मुसिकोट नगरपालिका ११ स्थित बैरागीठाँटीमा गएको पहिरोको कारण जिल्लाको विद्युत सेवा अवरुद्ध भएको छ । 

पहिरोले विद्युत पोल र तारमा क्षति गरेको कारण रुकुम पश्चिम र रुकुम पूर्वको विद्युत सेवा अवरुद्ध भएको छ । 

सल्यान रुकुम ३३ के भि लाईनमा पहिरोको कारण पाँच वटा पोलमा असर परेकोले विद्युत सेवा अवरुद्ध हुन गएको नेपाल बिद्युत प्राधिकरण वितरण केन्द्र रुकुम पश्चिमले जानकारी दिएको छ । 

केन्द्रले पानी परिरहेको तथा रात परेकोले काम मर्मत कार्य हुन नसकेको जनाएको छ । 

राप्ती हाईड्रोबाट लाईन संचालन गरिएको तर लाईन केही अनियमित हुने सूचना मार्फत कार्यालयले जानकारी गराएको छ । मंगलबार बिहानैबाट मर्मत कार्य सुरु गरिने बताईएको छ ।