माइतीमा पिपलपानी हाल्न गएकी थिईन्, आठबिसकोटको गिजागार खोलामा मृत भेटिईन्

रुकुम पश्चिमको आठबिसकोट नगरपालिका -९ मा एक महिलाको शव फेला परेको छ । 

वडाको हर्दिगाउँ निवासी ४३ वर्षीया अमृता बुढाको शव गिजागाड खोला किनारमा फेला परेको प्रहरीले जानकारी दिएको छ । 

जिल्ला प्रहरी कार्यालय रुकुम पश्चिमका अनुसार असार ३० गते बिहान घरबाट वडा नम्वर १२ स्थित माईती घरमा पिपल पानी हाल्न भनेर गएकी बुढाको शव आज बिहान गिजागार खोलाको किनारमा फेला परेको हो । 

बुढाको शवलाई अहिले आठबिसकोट नगर अस्पतालमा राखिएको छ । खोलाले बगाएर मृत्यु भएको हुनसक्ने स्थानीयले जनाएका छन् । प्रहरीले भने घटनाको अनसन्धान सुरु गरेको जनाएको छ । - रिजन शर्मा