बिचल्लीमा परेका बालबालिकालाई माओवादी केन्द्र चौरजहारीद्वारा ५० हजार सहयोग

रुकुम पश्चिमको चौरजहारीमा श्रीमानले आफ्नै श्रीमतीको हत्या गरेपछि बिचल्ली अवस्थामा रहेका तीन बालबच्चाहरुको लागि नेकपा (माओवादी केन्द्र) चौरजहारीले सहयोग प्रदान गरेको छ । 

आज नगर कमिटी अध्यक्ष मोति प्रसाद पोखरेल सहितको टोलीले पीडितलाई नगद ५० हजार सहयोग गरेको हो । टुहुरा अवस्थाका तीन जना बालबालिकाको संरक्षण र राहतका लागि उक्त रकम उपलब्ध गराईएको नगर कमिटीका अध्यक्ष पोखरेलले जानकारीदिनुभयो । 

उहाँ अनुसार पीडित बालिका रेजिना बुढाको नाममा रहेको खातामा उक्त रकम जम्मा गरेपछि घरमै गएर समेवदना समेत प्रकट गरिएको छ । 

गत मंगलबार (जेठ १७ गते) राती ३२ वर्षीय चन्द्रबहादुर बुढाथोकीले ३० वर्षीया श्रीमती देविका बुढाथोकीलाई खुकुरी प्रहार गरेर हत्या गरेका थिए । आमाको हत्या र बुवा प्रहरी नियन्त्रणमा रहेपछि उनका तीन बालबालिका सहाराबिहिन बनेका छन् । मृतकका १३ र ११ वर्षीया दुई छोरी र ६ वर्षका एक छोरा रहेका छन् । 

सहयोगको लागि :

खातावालाको नाम : रेजिना बुढा (REJINA BUDHA)

खाता नं. : 29601007935555000001

बैङ्कको नाम : नेपाल बैङ्क लिमिटेड चौरजहारी शाखा