रुकुम पश्चिममा खुकुरीले घाँटी रेटेर आफ्नै श्रीमतीको हत्या

रुकुम पश्चिममा एक पुरुषले खुकुरी प्रहार गरेर आफ्नै श्रीमतीको हत्या गरेका छन्  ।

जिल्लाको चौरजहारी नगरपालिका -३ टाटागाउँ निवासी ३२ वर्षका चन्द्रबहादुर बुढाथोकीले आफ्नै श्रीमती ३० वर्षीया देविका बुढाथोकीको हत्या गरेको प्रहरीले जनाएको छ । 

जिल्ला प्रहरी कार्यालय रुकुम पश्चिमका प्रहरी निरीक्षक ऋषि पाठकका अनुसार गए राती चन्द्रबहादुरले धारिलो हतियार (खुकुरी) देविको घाँटिमा प्रहार गरेर हत्या गरेका छन् । 

उक्त घटनाको जानकारी लगत्तै इलाका प्रहरी कार्यालय चौरजहारीबाट प्रहरी निरीक्षक दिपेन्द्र रावतको नेतृत्वमा भएको प्रहरी टोलीले खुकुरीसहित चन्द्रबहादुरलाई नियन्त्रणमा लिएको छ भने घटनाको थप अनुसन्धानको लागि जिल्ला प्रहरी कार्यालयबाट प्रहरी नायब उपरीक्षक प्रमेश बिष्टको कमाण्डमा प्रहरी टोली खटिएर घटनास्थल गएको छ । 

हत्याको कारण भने खुल्न सकेको छैन । प्रहरीले अनुसन्धान सुरु गरेको जनाएको छ ।