आठबिसकोटको नीति तथा कार्यक्रम : स्वरोजगार र पुनर्निर्माणमा केन्द्रित

रुकुम पश्चिमको आठबिसकोट नगरपालिकाले आगामी आर्थिक वर्ष २०८२/०८३ का लागि ल्याएको नीति तथा कार्यक्रम स्वरोजगार र भूकम्प पछिको पुनर्निर्माणका केन्द्रित रहेको छ । 

मंगलबार सुरु भएको नगर सभाको १८ औ नगर अधिवेशनमा नगर प्रमुख रबि केसीले आगामी आर्थिक वर्षका लागि नीति तथा कार्यक्रम गर्नुभएको छ ।

नगर प्रमुख केसीले आयोजना बैङ्क र युवा स्वरोजगार, स्वास्थ्य शिक्षा र भुकम्पपछिको पुनर्निर्माणलाई केन्द्रित रहेर नीति तथा कार्यक्रम निर्माण गरिएको बताउनुभयो । खस्किरहेको आर्थिक अवस्थालाई पन्छाउँदै दिगो विकास लक्ष्य प्राप्त गर्न नगरपालिका प्रतिबद्ध रहेको केसीले उल्लेख गर्नुभयो ।

“समृद्ध गाउँ शहरको रहर ः स्वस्थ, सफा सुशासनयुक्त, समन्यायिक र समाजवादउन्मुख आठबिसकोट नगर” को दीर्घकालीन उद्धेश्य पुरा गर्न १८ औँ नगर सभा मार्फत नीति तथा कार्यक्रम ल्याईएको नगरपालिकाले जनाएको छ । 

नगरको आर्थिक विकास, सामाजिक विकास, पूर्वाधार विकास, वन वातावरण तथा विपत् व्यवस्थापन, सुशासन तथा संस्थागत विकासलाई प्राथमिकतामा राखेर नीति कार्यक्रम बनाइएको छ । 

भुकम्पपछिको पुननिर्माणलाई प्राथमिकता दिईनुका साथै कृषि हाट बजार सङ्कलन केन्द्र सञ्चालन गर्ने, यावसायिक कृषकलाई सामाजिक सुरक्षा कोषमा आबद्ध गर्न पहल गर्ने, नगर प्रमुख , उपप्रमुख सँग युवा स्वरोजगारका कार्यक्रम सञ्चालन गर्ने , विपदको साथि नगर सरकार, बसोबास गाउँमा भविष्य आफ्नै ठाउँमा भन्ने नारा सहितका योजना नीति तथा कार्यक्रममा उल्लेख छ ।