रुकुम पश्चिममा पहिलो पटक यू-१६ पालिका स्तरीय क्रिकेट प्रतियोगिता

रुकुम पश्चिमकोमा पहिलोपटक पटक यू १६ पालिका स्तरीय क्रिकेट प्रतियोगिता सुरु भएको छ । 

बिहिबारदेखि मुसिकोट नगरपालिका वडा नम्बर ६ स्थित ट्याखोलामा रहेको खेल मैदानमा यू–१६ पालिका स्तरीय क्रिकेट प्रतियोगिता सुरु भएको हो । 
प्रतियोगिताको एक कार्यक्रमका बिच मुसिकोट नगरपालिकाका प्रमुख महेन्द्र केसीले उद्घाटन गर्नुभएको छ । 

क्रिकेट संघ रुकुम पश्चिमको आयोजना र मुसिकोट नगरपालिका ५ बागबजारमा रहेको दिव्यनी स्पोर्टसको सह आयोजनामा प्रतियोगिताको आयोजना गरिएको हो । 

आयोजक संघका सचिव मनिष खड्काका अनुसार पहिलोपटक आयोजना गरिएको पालिका स्तरीय प्रतियोगितामा रुकुम पश्चिमका चारवटा स्थानीय तहबाट खेलाडीले भाग लिएका छन् । 

प्रतियोगितामा मुसिकोट नगरपालिका, चौरजहारी नगरपालिका, त्रिवेणी गाउँपालिका र सानीभेरी गाउँपालिकाका खेलाडीले सहभागिता जनाएका हुन् । 
सचिव खड्काले यही प्रतियोगिताबाटै जिल्ला स्तरीय यू–१६ खेलाडी छनौट समेत गरिने उहाँले जानकारी दिनुभयो । 

प्रतियोगितामा विजेता हुने समुहले  नगद ३० हजार रुपैयाँसहित कप प्रमाणपत्र प्राप्त गर्दा उप विजेता हुने समुहले नगद २० हजार रुपैयाँसहित कप र प्रमाणपत्र प्राप्त गर्ने छ । खेल अवधिभर उत्कृष्ट प्रदर्शन गर्ने एकजना खेलाडीलाई साइकलको व्यवस्था गरिएको छ । 

त्यस्तै प्रत्येक विधाका उत्कृष्ट खेलाडीहरूलाई समेत आकर्षक पुरस्कारको व्यवस्था गरिएको आयोजकले जनाएको छ । खेलाडीलाई खेलअवधिभर नास्ताको व्यवस्था गरिनुका साथै प्रतियोगितामा सहभागिको लागि कुनै शुल्क उठाएको छैन् । प्रतियोगिताको सह आयोजक मुसिकोट ५ बागबजारमा रहेको दिव्यनी स्पोर्टस रहेको छ । 

जिल्ला क्रिकेट संघका उपाध्यक्ष गोपाल लामिछानेको अध्यक्षतामा भएको  उद्घाटन कार्यक्रममा नगर प्रमुख महेन्द्र केसीको प्रमुख आतिथ्यता र प्रमुख जिल्ला अधिकारी कुलबहादुर जिसीको बिशेष आतिथ्यता रहेको थियो ।

उद्घाटन सत्रमा जिल्ला प्रहरी कार्यालयका प्रमुख प्रहरी नायव उपरीक्षक प्रमेश विष्ट, शसस्त्र प्रहरी बलका प्रमुख मदनबहादुर धानुक, सहायक प्रमुख  जिल्ला अधिकारी विनोद रेग्मी, वडा नम्वर १ का वडा अध्यक्ष ज्ञानु चन्द्र चन्द, वडा नम्वर ६ का वडा अध्यक्ष अध्यक्ष भानु मल्ल, पत्रकार लगायतको आतिथ्यता रहेको थियो । कार्यक्रमको संचालन क्रिकेट संघका सचिव मनिष खड्काले गर्नभएको थियो । प्रतियोगिता शुक्रबारसम्म सञ्चालन हुने बताईएको छ ।