केशव रावल अब प्रचण्डको स्वकीय सचिव

नेपाली कम्युनिस्ट पार्टी संसदीय दलका नेता एवं पूर्व प्रधानमन्त्री पुष्पकमल दाहाल प्रचण्डको स्वकीय सचिवमा केशव रावल नियुक्त हुनुभएकाे छ ।

दाहालले रावललाई गत साउन ५ गतेदेखि नै लागु हुनेगरी स्वकिय सचिवमा नियुक्त गरेको पत्र प्रदान गर्नुभएको छ । नियुक्ति पत्रमा संघीय संसदका पदाधिकारी तथा सदस्यहरुको पारिश्रमिक र सुविधा सम्बन्धी ऐन, २०७३ को दफा ५ (१) अनुसार संघीय संसदको  प्रतिनिधि सभा सदस्यको रुपमा पाउने सेवा सुविधा अन्तर्गत स्वकीय सचिवमा नियुक्त गरेको उल्लेख गरिएको छ । 

रुकुम पुर्वको सिस्ने गाउँपालिका –८ निवासी रावल विद्यार्थी राजनीतिबाट उदाउनुभएका खरो युवा नेताको रुपमा चिनिनु हुन्छ । निरन्तर राजनीतिमा सक्रिय उहाँ बिद्रोही र आँटिलो स्वभावको हुनुहुन्छ । 

जिम्मेवारी पाएसँगै रावलले देश, जनताको सेवामा निरन्तर सक्रिय हुने प्रतिबद्धता व्यक्त गर्नुभएकाे छ ।