रास्वपा मुसिकोटको सभापतिमा वीरबल केसी चयन

राष्ट्रिय स्वतन्त्र पार्टी (रास्वपा)को मुसिकोट नगर सभापतिमा वीरबल केसी चयन हुनुभएको छ । 

बिहिबार मुसिकोट नगपालिका ५ सेरीगाउँमा भएको प्रथम नगर अधिवेशनबाट केसी सर्वसम्मत सभापतिमा चयन हुनुभएको हो । 

अधिवेशवनबाट सर्वसम्मत नगर समिति चयन गरिएको रास्वपाका जिल्ला उप उपसभापति रिम प्रसाद शर्माले जानकारी दिनुभयो । नगर समितिको उपसभापतिमा पतिराम रोका, सचिवमा राजन बिक, सहसचिवमा हरि गोपाल राज खड्का र कोषाध्यक्षमा रमा पुन चयन हुनुभएको छ । 

त्यसैगरी सदस्यहरुमा बेलमती दमाई, डिल्ली बहादुर खत्री, ललित कुमार बिष्ट, देउराम खड्का, मोतिराम थापा, जनक ओली, भिमबहादुर कठायत, महाविर नेपाली, देउरुपा बोहरा र नन्दकली कामी चयन हुनुभएकाे छ । सदस्यहरुमा नारायणी कामी, कर्मी केसी र गंगाराम खड्का समेत चयन हुनुभएको रास्वपाले जनाएकाे छ । 

यस अघि रास्वपा रुकुम पश्चिमले जिल्लाका ६ वटै पालिकामा अधिवेशन सम्पन्न गरेर नयाँ नेतृत्व चयन गरेको छ ।