कालिका लघुवित्तको केन्द्र प्रमुख गोष्ठि र वित्तीय साक्षरता सम्पन्न

रुकुम पश्चिमको मुसिकोटमा रहेको कालिका लघुवित्त वित्तीय संस्था लिमिटेड शाखा कार्यालय मुसिकोटले एक १ दिने केन्द्र प्रमुख गोष्ठी तथा वित्तीय साक्षरता कार्यक्रम सम्पन्न गरेको छ । 

शुक्रबार भएकाे उक्त कार्यक्रममा उत्कृष्ट केन्द्र प्रमुख, उत्कृष्ट बचतकर्ता, उत्कृष्ट ऋणी र उत्कृष्ट १० वटा केन्द्रलाई पुरस्कार तथा नगदसहित प्रमाण पत्र वितरण गरिएको कालिका लघुवित्त वित्तीय संस्था लिमिटेड शाखा कार्यालय मुसिकोटका प्रमुख सिर्जना केसीले जानकारी दिनुभयो ।

कार्यक्रममा मुसिकोट नगरपालिकाका प्रमुख महेन्द्र केसीले बचतको महत्व र कर्जाको सहि प्रयोग गरेर आम्दानी बृद्धि गर्न सुझाव दिनुभयो । नगर प्रमुख केसीले कालिका लघुवित्त वित्तीय संस्थाले यस क्षेत्रमा गरेको राहत सुविधाले सदस्यलाई धेरै सहज भएको समेत बताउनुभयो । 

४७ नम्वर केन्द्र प्रमुख यशोदा कंवरको अध्यक्षतामा भएको कार्यक्रममा मुसिकोट नगरपालिकाका नगर प्रमुख महेन्द्र केसीको प्रमुख आतिथ्यता र मुसिकोट नगरपालिका वडा नम्वर ६ का वडा अध्यक्ष भानु मल्लको बिशेष आतिथ्यता रहेको थियो ।

कार्यक्रममा लघुवित्तका विरेन्द्रनगर अनुगमन कार्यालयका अनुगमन प्रमुख मोहन न्यौपाने, हिमालयन बैकका कर्मचारी असिम खत्री, कालिका लघुवित वित्तिय संस्था कर्मचारीहरु सिर्जना केसी, भरत विसी, विमला वली,रमिता भन्डारी, प्रतिभा भण्डारी, कविता चन्द मल्लको उपस्थिति रहेको थियो । यसैगरी केन्द्रका केन्द्र प्रमुख र उपप्रमुख पनि उपस्थिति रहेको थियो ।

कर्मचारी विमला वलीको स्वागत रहेको कार्यक्रममा विरेन्द्रनगर अनुगमन कार्यालयका अनुगमन प्रमुख मोहन न्यौपानेले कार्यक्रमको उद्धेश्य बारेमा प्रकाश पार्नुभयको थियो । कार्यक्रमको संचालन मुसिकोट शाखाका प्रमुख सिर्जना केसीले गर्नु भएको थियो ।