आठबिसकोटकाे चिसापानीबाट विद्युतकाे प्रशारण लाईन बिस्तार, डाडाँगाउ र फारुलामा नयाँ ट्रान्सफर्मर जडान

रुकुम पश्चिमको आठबिसकोट नगरपालिका -११ का विभिन्न स्थानहरुमा विद्युतिकरणको काम गरिएको छ ।

नेपाल विद्युत प्राविधिकरण विद्युत वितरण केन्द्र रुकुम पश्चिमले आठबिसकोट नगरपालिका -११ मा नयाँ ट्रान्सफर्मर जडान, प्रशारण लाईन बिस्तार, विद्युत लाईन चार्जको काम पुरा गरेको जनाएको छ । 

रुकुम पश्चिम वितरण केन्द्रका प्राविधिक प्रमुख पारस सुवेदीका अनुसार शनिबार नगरपालिकाको वडा नम्वर ११ को चिसापानी देखि डाँडागाउँसम्म ११ केभिएको प्रशारण लाईन जडान गरिएको छ । यो सबै नयाँ प्रशारण लाईन हो । 

त्यसैगरी सोहि वडाको डाँडागाउँमा र फारुलामा नयाँ ट्रान्सफर्मर जडान जडान गरिएको छ । प्राविधिक प्रमुख सुवेदीका अनुसार डाँडागाउँमा ५० केभिए र फारुलामा १५ केभिए क्षमताको नयाँ ट्रान्सफर्मर जडान गरिएको हो । 

यसैगरी फारुला र डाँडागाउँमा वितरण लाईन समेत जडान गरिएको छ । नयाँ ट्रान्सफर्मर चार्ज गरिएपछि लाईन समेत जडान गरिएको हो । 

यी कार्यबाट यहाँका १४० घरधुरी प्रत्यक्ष लाभान्वित भएका छन् । जिल्लाका सबै टोल तथा बस्तीहरु विद्युतिकरण गर्ने कार्य अन्तर्गत विद्युत वितरण केन्द्रले केन्द्रिय विद्युत लाईनको सुविधा नपुगेका स्थानहरुमा विद्युतिकरणका कार्यलाई प्राथमिकता दिईरहेको छ । 

गाउँमा विद्युत लाईन जडान भएपछि यहाँका स्थानीयहरु खुसी भएका छन् ।