गृहमन्त्री समक्ष आठबिसकोटको माग : "पूनर्निर्माणको पहिलो किस्ता नै पाईएन, ईलाका प्रशासन चाहियो"

रुकुम पश्चिमको आठबिसकोट नगरपालिकाका प्रमुख रबि केसीले गृहमन्त्री सुदन गुरुङ समक्ष विभिन्न तीन वटा बुदाँमा मागहरु राख्नुभएको छ । 

उहाँले भूकम्पपछिको पुनर्निर्माण र आठबिसकोट क्षेत्रको सेवा प्रवाहको बारेमा सोमबार गृहमन्त्री समक्ष महत्वूपर्ण मागपत्र पेश गर्नुभएको छ । 

नगर प्रमुख केसीले जाजरकोट केन्द्रबिन्दु भएर भूकम्प गएको २९ महिना वितिसक्दा पनि हालसम्म पुनर्निर्माण हुनसकेको उल्लेख गर्नुहुँदै पुनर्निर्माणको लागि वडाहरुमा धमाधम सम्झौता भईरहेको तर पीडितले रकम पाउन नसकेको उल्लेख गर्नुभएको छ । सम्झौता भएकाहरुको हकमा पनि जिल्ला प्रशासन कार्यालयले अनावश्यक बहाना बनाएर पुनर्निर्माण हुन नसकेको उहाँको आरोप छ । 

यसका साथै उहाँले आठबिसकोटमा ईलाका प्रशासन कार्यालयको स्थापना र ईलाका प्रहरी कार्यालयको भवन निर्माणका लागि समेत गृहमन्त्री गुरुङ समक्ष माग राख्नुभएको छ । 

उहाँले गहृमन्त्री समक्ष यी मागहरुलाई प्राथमिकता दिएर जिल्ला प्रशासन कार्यालय र राष्ट्रिय पूनर्निर्माण प्राधिकरणलाई निर्देशन दिन समेत अनुरोध गर्नुभएको छ ।