शिवालयमा वित्तीय साक्षरता अभियान सम्पन्न

जाजरकोटको शिवालयमा वित्तीय साक्षरता कार्यक्रम सम्पन्न भएको छ । 

ग्लोबल आइएमई लघुवित्त वित्तिय सँस्था लिमिटेडले Global money week-2026 कार्यक्रम अन्तर्गत मंगलबार वित्तीय साक्षरता कार्यक्रम सम्पन्न गरेको हो । 

शिवालय बजार व्यवस्थापन समितिका सदस्य तथा केन्द्र नम्वर ७ का सदस्य गीता बुढाको अध्यक्षतामा भएको कार्यक्रममा शिवालय गाउँपालिका वडा नम्वर ८ का वडा अध्यक्ष जसवीर ओलीको प्रमुख आतिथ्यता रहेको थियो । 

कार्यक्रममा ग्लोबल आइएमई लघुवित्त वित्तिय सँस्था लि. सम्झनाबजार प्रादेशिक कार्यालयका प्रदेश प्रमुख बिमल खनालले  सहजिकरण गर्नुभएको थियो । कार्यक्रममा वित्तीय साक्षरताको परिचय, महत्व, बचत तथा खर्चको लेखाजोखा, खर्च व्यवस्थापन लगायतका बिषयमा सहजीकरण गरिएको थियो । 

ग्लोबल आइएमई लघुवित्त वित्तिय सँस्था लि. शिवालय शाखाका शाखा प्रमुख प्रेम बहादुर चौधरीले स्वागत मन्तव्य राख्नुभएको कार्यक्रमको सञ्चालन मसुरिया स्टेशन कार्यालयका प्रमुख अशोक कुमार बोगटीले गर्नुभएको थियो । कार्यक्रममा ११९ जनाको सहभागिता रहेको थियो ।