रास्वपाद्वारा समानुपातिक सांसदको लागि ५७ जनाको नाम सिफारिस (सूचिसहित)

राष्ट्रिय स्वतन्त्र पार्टी (रास्वपां) को केन्द्रीय सचिवालय बैठकले समानुपातिक सांसदका लागि ५७ जनाको नाम सिफारिस गरेको छ । पार्टीले आइतबार सिफारिस भएकाहरूको सूची  निर्वाचन आयोगमा बुझाउने भएको छ । 

बैठकले १७ जना खसआर्य, १६ जना जनजाति, तीन जना मुस्लिम, आठ जना दलित, नौ जना  मधेसी तथा चार जना थारु ‘क्लस्टर’बाट सिफारिस गरिएको बैठकपछि पार्टी प्रवक्ता मनिष झाले सञ्चारकर्मीलाई बताउनुभयो । 

बैठकले ५७ जना सांसदको नाम टुङ्ग्याएर आइतबार नै निर्वाचन आयोगमा नामावली बुझाउने निर्णय गरेको रास्वपाका प्रवक्ता मनिष झाले जानकारी दिनुभयो । उहाँका अनुसार ४८ जना महिला र ९ जना पुरुषलाई समानुपातिकतर्फबाट सांसद बनाइने छ । जसमा खसआर्य १७, जनजाति १६, दलित ८, मुस्लिम ३, मधेसी ९ र थारू ५ जना गरी ५७ जना रहेका छन् ।

पार्टीले निर्वाचन आयोगमा बुझाएको नामावली भने तत्काल सार्वजनिक नगर्ने उहाँले जानकारी दिनुभयो । निर्वाचन आयोगमा नामावली बुझाएपछि आयोगले रुजु गर्ने र कानुनबमोजिम मिलेका नामावली आयोगले नै सार्वजनिक गर्ने उहाँको भनाइ छ । पार्टीले सिफारिस गरेका नामहरू राजनीतिक र कानुनी प्रक्रियाअनुसार आयोगले स्वीकृत नगरेसम्म त्यसलाई प्रस्तावित मात्र मान्न सकिने भएकाले तत्काल सार्वजनिक नगरेको उहाँले बताउनुभयो ।

प्रवक्ता झाले भन्नुभयो, ‘हामीले निर्वाचन आयोगलाई आज नै तोकिएको समयसीमाभित्र राष्ट्रिय स्वतन्त्र पार्टीको तर्फबाट ५७ जनाको नामावली बुझाउने निर्णय गरेका छौँ । जसमा खसआर्य १७, जनजाति १६, दलित ८, मुस्लिम ३, मधेसी ९ र थारू ५ जना हुनुहुन्छ । यसमा विधिले माग गरेबमोजिम ४८ महिला र ९ पुरुष रहनुभएको छ ।’ उहाँले रुजु र प्रमाणीकरणको प्रक्रिया सकिएपछि आयोगबाटै नामहरू सार्वजनिक हुने स्पष्ट पार्नुभयो ।

रास्वपाको केन्द्रीय सचिवालय बैठकले समानुपातिक सांसदका लागि सिफारिस गरेका ५७ जना नाम :

खस आर्यबाट:

प्रतिभा रावल

रचना खतिवडा

लिमा अधिकारी

विदुषी राणा

समीक्षा बास्कोटा

श्रद्धा कुँवर

टीका सङ्ग्रौला

क्रान्ति शिखा धिताल

आकृति अवस्थी

सृष्टि भट्टराई

मञ्जु भुसाल

प्रभा कार्की

शोभा खनाल

रत्ना कुमारी थापा

ज्ञानु पौडेल

प्रभा ढकाल

रमेश प्रसाईँ

आदिवासी जनजातिबाट:

बसुमाया तामाङ

गङ्गा छन्त्याल

सुन्नीमा उदास

अनुष्का श्रेष्ठ

ओजस्वी शेरचन

सिर्जना श्रेष्ठ

रजनी श्रेष्ठ

कुसुम महर्जन

भूमिका श्रेष्ठ

प्रमीला कुलुजु

सुजाता तामाङ

कृपा महर्जन

एलिजा गुरुङ

राम लामा

खुश्बु सरकार श्रेष्ठ

मिङ्मा ग्याबु शेर्पा

मधेसीबाट:

पुनमकुमारी अग्रवाल

निशा मेहता

ललिता कुमारी

अंकिता ठाकुर

सरिता महतो

कामिनी कुमारी

पुरुषोत्तम सुप्रभात यादव

खगेन्द्र कर्ण

दलितबाट:

रीमा विश्वकर्मा

अमृता विक

सीता बादी

स्मृति सेन्चुरी

सुष्मा स्वर्णकार

तारा विश्वकर्मा

खिमा विक

प्रकाश चंद्र परियार

थारुबाट:

गीता चौधरी

करिस्मा कठरिया

सुरेन्द्र चौधरी

प्रेमलाल चौधरी

मुस्लिमबाट:

समिना मिया

अफ्साना बानु

गलाजा शमीम मिकरानी