समानुपातिकतर्फ आठबिसकोट र चौरजहारीको मत गणना सकियो, नेकपालाई पछ्याउँदे कांग्रेस

रुकुम पश्चिममा समानुपातिक निर्वाचन अन्तर्गत मत गणना गर्ने क्रममा आठबिसकोट नगरपालिका र चौरजहारी नगरपालिकाको मत गणना सकिएको छ । 

आईतबार राती १० बजे दुई नगरपालिकाको मत गणना सम्पन्न हुँदा नेपाल कम्युनिष्ट पार्टी (नेकपा) को अग्रता रहेको छ । 

सहायक निर्वाचन अधिकृत मन्दिरा शाहीले दिनुभएको जानकारी अनुसार हालसम्म नेकपाको मत ६ हजार ५८४ रहेको छ  । त्यसैगरी नेपाली कांग्रेसले पाँच हजार ६ मत ल्याएको छ भने प्रगतिशिल लोकतान्त्रिक पार्टीले चार हजार ७० मत प्राप्त गरेको छ । राष्ट्रिय स्वतन्त्र पार्टीले तीन हजार ४७९ मत  प्राप्त गरेको छ भने नेकपा एमालेले तीन हजार १०९ मत प्राप्त गरेको छ । 

नेकपा (माओवादी) ले ३०३ र राष्ट्रिय प्रजातन्त्र पार्टीले १३६ मत प्राप्त गरेका छन् । त्यसैगरी राष्ट्रिय जनमोर्चाले १०, आम जनता पार्टीले १९, नेकपा (सयुक्त) ले १२, नेपाल मजदुर किसान पार्टीले ४, श्रम संस्कृति पार्टीले १३० मत प्राप्त गरेका छन् । 

विभिन्न ५७ पार्टीको चुनाव चिन्हमा मत खसेको छ ।

रुकुम पश्चिममा समानुपातिकतर्फ कुल १ लाख ७ हजार ४४९ मत खसेकोमा हालसम्म २४ हजार ३०५ मत गणना भएको छ । जसमध्ये २३ हजार ३२३ मत सदर भएको छ भने ९८२ मत बदर भएको छ। 

हेर्नुहोस् विवरण :