२२ वर्षपछि जनार्दनको संसदीय राजनीतिमा ब्रेक 

रुकुम पश्चिम । करिब दुई दशकदेखि राष्ट्रिय राजनीतिमा सक्रिय रहँदै आउनुभएका प्रगतिशिल लोकतान्त्रिक पार्टीका नेता तथा पूर्वमन्त्री जनार्दन शर्माको संसदीय यात्रा अन्ततः  रोकिएको छ। यसपटकको प्रतिनिधिसभा निर्वाचनमा जनार्दन शर्माले आफ्नै पूर्व सहकर्मी गोपाल शर्मासंग पराजय भएसंगै उहाँको निरन्तर संसदीय यात्राको अन्त्य भएको हो। 

२०६४ सालको संविधानसभा निर्वाचनबाट पहिलो पटक संसद् प्रवेश गर्नुभएका  शर्मा त्यसयता निरन्तर राष्ट्रिय राजनीतिमा प्रभावशाली नेताका रूपमा चिनिँदै आउनुभएको थियो ।  माओवादी आन्दोलनबाट उदाउनुभएका शर्मा शान्ति प्रक्रियापछि मुख्यधारको राजनीतिमा स्थापित हुँदै पटक–पटक संसदमा निर्वाचित हुनुभएको थियो । 

जनमुक्ति सेनाका डेपुटि कमाण्डर समेत भैसक्नुभएका शर्मा नेकपा माओवादी केन्द्रबाट सरकारका महत्वपूर्ण मन्त्रालय सम्हाल्ने नेतामध्ये एक हुनुहुन्थ्यो ।  उहाँले शान्ति, उर्जा, गृह र अर्थ मन्त्रीको जिम्मेवारीसमेत सम्हालि सक्नुभएको  थियो । 

निर्वाचनअघि शर्माले आफू आबद्ध रहेको नेकपा माओवादी केन्द्र परित्याग गर्दै नयाँ दल प्रगतिशिल लोकतान्त्रिक पार्टी गठन गर्नुभएको थियो । नयाँ दल गठन गरेर चुनावी मैदानमा उत्रिएका शर्माको लामो संसदीय यात्रा भने यसपटकको निर्वाचनले टुंगाइदिएको छ ।