चितवन २ बाट रास्वपा सभापति रवि लामिछाने तेस्रो पटक विजयी

चितवन । राष्ट्रिय स्वतन्त्र पार्टी (रास्वपा)का केन्द्रीय सभापति रवि लामिछानेले प्रतिनिधि सभा सदस्य पदका लागि चितवन २ बाट निर्वाचित हुनुभएको छ । ५४ हजार ४०२ मत ल्याएर लामिछाने यो क्षेत्रबाट तेस्रो पटक विजयी हुनुभएको हो ।  लामिछानेको प्रतिस्पर्धी नेपाली कांग्रेसका मिनकुमारी खरेलको १४ हजार ५६४ मत आयो ।

एमालेका अस्मिन घिमिरेको ६ हजार ९४२ र नेपाली कम्युनिस्ट पार्टी (नेकपा) का प्रताप गुरूङको चार हजार ९६९ आएको छ । लामिछाने २०७९ को निर्वाचनमा पहिलो पटक यही क्षेत्रबाट सांसद निर्वाचित हुनुभएको थियो ।  यो क्षेत्रमा उपचुनाव हुँदा पनि लामिछाने नै उम्मेदवार बनेर विजयी हुनुभएको थियो । 

चितवन-२ बाट लामिछानेको यो तीन वर्षको अन्तरालमा तेस्रो जित हो ।