तारजाली र सिसिक्यामेरा सहित मतगणनास्थल तयार (हेर्नुहोस् भिडियो)

रुकुम पश्चिममा प्रतिनिधि सभा सदस्य पदको निर्वाचन अन्तर्गत मतगणनास्थल निर्माण गरिएको छ । 

मतदानको सम्पूर्ण तयारी भैसकेको जनाउँदै मुख्य निर्वाचन अधिकृतको कार्यालयले सदरमुकाम खलङ्गास्थित जिल्ला समन्वय समितिको हलमा मतगणनास्थल तोकिएको जनाएको हो । 

सहायक निर्वाचन अधिकृत मन्दिरा शाहीका अनुसार मतगणना स्थलमा सुरक्षा र पारदर्शितालाई उच्च प्राथमिकता दिइएको छ । उहाँका अनुसार हल परिसरमा सिसिटिभी क्यामेरा जडान गरिएको छ भने हलमा तारजाली लगाईएको छ । 

हलमा कर्मचारीहरुले गणना गर्ने र तारजाली बाहिर दलका प्रतिनिधिहरु रहनेगरी गणनास्थल तयार गरिएको छ । गणना कार्य सहज बनाउन हलभित्र भुइँमा म्याट्रेस बिछ्याइएको छ । 

मतपेटिका मतगणना स्थलमा राती १ बजे भित्र ल्याईसक्ने तयारी रहेको छ ।  फागुन २२ गते बिहानसम्म सर्वदलीय तथा सर्वपक्षीय बैठक बसेपछि मात्र मतगणना कार्य अघि बढाइने बताईएको छ । 

(हेर्नुहोस् भिडियो) :