लोक भजन चुड्का प्रतिष्ठान रुकुम पूर्वको अध्यक्षमा बिमला

राष्ट्रिय लोक भजन चुड्का प्रतिष्ठान नेपाल जिल्ला कार्यसमिति रुकुम पूर्वको अध्यक्षमा बिमला शर्मा चयन हुनुभएको छ । 

बुधबार सम्पन्न प्रतिष्ठानको दोस्रो साधारण सभा तथा प्रथम महाधिवेशनले शर्माको अध्यक्षतामा नयाँ कार्यसमिति चयन गरेको हो । 

प्रतिष्ठानका निवर्तमान अध्यक्ष कमला देवकोटाको अध्यक्षतामा रुकुमकोटमा सम्पन्न महाधिवेशनबाट सहसचिब र सहकोषाध्यक्ष पछि थप गर्ने गरी २४ सदस्यीय कार्यसमिति चयन गरिएको हो । जसको उपाध्यक्षमा पूर्ण बहादुर नेपाली र बुद्विकुमारी गौतम, सचिवमा प्रतिभा गौतम र कोषाध्यक्षमा प्रतिभा केसीलाई चयन गरिएको छ । 

२०७९ सालमा गठन गरिएको उक्त लोक भजन चुड्का प्रतिष्ठानले जिल्लामा कला संस्कृति को जगेर्ना गर्दै आईरहेको छ । 

आजै सम्पन्न साधारणसभाले प्रतिष्ठानको आर्थिक वर्ष २०८१र८२ को आयव्यय समेत सार्वजनिक गरेको छ । जसमा आयतर्फ १ लाख ६२ हजार ३९० रहेको थियो भने व्ययतर्फ १ लाख ४२ हजार ५ सय रहेको छ । 

राष्ट्रिय लोक भजन चुड्का प्रतिष्ठान नेपाल जिल्ला कार्यसमिति रुकुम पूर्वका निवर्तमान अध्यक्ष कमला देवकोटाको अध्यक्षता रहेको उक्त कार्यक्रममा प्रतिष्ठानका केन्द्रीय सदस्य बिष्णु देवकोटा, नेपाल ज्योतिष परिषदा केन्द्रीय सदस्य मदन शर्मा, जिल्ला अध्यक्ष चेताराम उपाध्याय लगाएतको आतिथ्यता रहेको थियो ।