मंसिर १ गतेदेखी बेल्टापु मेला लाग्ने, पुरुष र महिला भलिबल प्रतियोगिता हुने

रुकुम पश्चिमको सानीभेरी गाउँपालिका वडा नम्बर ३ को बेल्टापुमा परम्परागत रुपमा लाग्दै आएको बेल्टापु मेला यस वर्ष पनि  विविध खेलकुदका कार्यक्रमसहित चारदिन सम्म लाग्ने भएको छ ।

यस वर्ष यही मंसिर १ गतेदेखि ४ गतेसम्म लाग्ने मेलाको अवसरमा वडास्तरिय पुरुष भलिबल  र महिला भलिवल खुला वडा स्तरीय प्रतियोगिता आयोजना समेत गरिएको छ ।  

‎खुला शुद्ध वडा स्तरीय पुरुष भलिबल प्रतियोगितामा विजेता हुने समूहले नगद दुई लाख ‎एक हजार नगद रकमको साथमा ट्रफि, मेडल र प्रमाणपत्र प्राप्त गर्ने मेला व्यवस्थापन समितिका अध्यक्ष पुष्प मगरले जानकारी दिनुभयो ।

त्यस्तै उपविजेता हुने समूहले एक लाख ४० हजार रुपैयाँको साथमा ट्रफि, मेडल र प्रमाणपत्र, तृतीय स्थान ल्याउनेले ७० हजारसहित ट्रफि, मेडल र प्रमाणपत्र पाउने आयोजकले जानकारी गराएको छ । उत्कृष्ट हुने खेलाडीलाई २५ हजार सहितट्रफि, मेडल र प्रमाणपत्र  प्राप्त गर्ने छन् ।

त्यस्तै महिला भलिबल विजेता हुने समूहले नगद ७५ हजारको साथमा ट्रफि, मेडल र प्रमाणपत्र प्राप्त गर्ने मेला व्यवस्थापन समितिका अध्यक्ष पुष्प मगरले जानकारी दिनुभयो ।

त्यस्तै उपविजेता हुने समूहले ५० हजार रुपैयाँको साथमा ट्रफि, मेडल र प्रमाणपत्र प्राप्त गर्दा तृतीय स्थान ल्याउने ३० हजारसहित ट्रफि, मेडल र प्रमाणपत्र पाउने छन् । उत्कृष्ट हुने खेलाडीलाई २५ हजारसहित ट्रफि, मेडल र प्रमाणपत्र प्राप्त गर्ने छन् ।
‎
‎दर्ता शुल्क पुरुषतर्फ १०हजार र महिलातर्फ पाँच हजार रहेको खेल संयोजक भिम प्रकाश वि.क.ले जानकारी दिनुभएको छ । साथमा विविध सांस्कृतिक कार्यक्रम राष्ट्रिय तथा स्थानीय कलाकारको बेजोड प्रस्तुति रहने ‎बेल्टापु मेला संचालन समितिले जानकारी दिएको छ ।