घोराहीमा जनता पेन्ट्सको आधिकारीक डिलर सञ्चालन

दाङको घोराहीमा जनता पेन्ट्सको आधिकारीक डिलर सञ्चालनमा आएको छ । 

घोराही बजारको दिपशिखा रोडमा आज बुधबारबाट जनता पेन्ट्सको आधिकारीक डिलर सञ्चालनमा आएको हो । 

कर्णाली र लुम्बिनी प्रदेशका विभिन्न जिल्लाहरुमा सेवा दिने गरेर दाङमा डिलर खोलिएको सञ्चालक गोपाल खड्काले जानकारी दिनुभयो । उहाँका अनुसार आवश्यकताको आधारमा अन्य जिल्लाहरुमा पनि डिलरका शाखाहरु सञ्चालन गर्ने योजनामा रहेको छ । 

जनता पेन्ट्स युरोपियन प्रविधिबाट बनाएको आईएसओ प्रमाणित नेपाली ब्रान्ड हो । पछिल्लो समय घरहरुको रंगरोगनको लागि यो पेन्टको माग बढीरहेको छ । 

२०६८ सालमा झापाको मेचिनगरमा स्थापित जनता पेन्ट्सले उच्च गुणस्तरका डेकोरेटिभ पेन्ट्स उत्पादन गर्दै आएको छ । 

डिलरका अर्का सञ्चालक टंकलाल सन्यासीका अनुसार जैविक उत्पादनलाई प्राथमिकता दिएर जनता पेन्ट्सले गुण्सतरिय रंगरोगन उत्पादन गर्दै आएको छ । हरेक नेपालीको घर रंगाएर स्वस्थ तथा वास्तुसम्मत घर निर्माणमा जनता पेन्ट्सले योगदान दिने उहाँको भनाइ छ । 

स्वदेशमै केही गर्नुपर्छ भन्ने युवाहरु मिलेर पश्चिम नेपालमा डिलर स्थापना गरेको बताईएको छ ।