राजुलाई जेष्ठ नागरिकको आशिर्वाद, युवाको साथ

फागुन २१ गते हुने प्रतिनिधीसभा सदस्य निर्वाचनमा नेपाली कांग्रेसले रुकुम पश्चिममा युवा नेता राजु केसीलाई उम्मेदवार बनाएपछि कांग्रेस घरदैलोमा व्यस्त रहेको छ । 

सफल युवा व्यवसायी र युवा पुस्ताको प्रतिनिधित्व गर्ने नेता मैदानमा उत्रिएपछि मत परिणाम आफ्नै पोल्टामा पार्न कांग्रेसले जनभेटघाट तथा अन्तरक्रिया कार्यक्रमलाई तिब्रता दिईरहेको छ । 

उम्मेदवार केसीसहितको प्रचार अभियान टोली बाँफिकोटका बस्तीहरुमा भेटघाट सकेर सानीभेरीमा दैनिक गतिविधि गरिरहेको छ । पार्टीको पालिकास्तरिय समितिले पनि जिल्लाका विभिन्न स्थानमा घरदैलो गरिरहेका छन् । 

यस पटकको निर्वाचनमा तत्कालिन माओवादी फुटको लाभ लिएर जित हाँसिल गर्ने दाउमा रहेको रुकुम कांग्रेसले यो मौका नगुमाउन कसरत सुरु गरेको छ । भदौ २३ र २४ को जेनजी आन्दोलनपछि परिवर्तित समयको माग र सुशासनको पक्षमा काम गर्ने प्रतिवद्धतासहित घरदैलोमा कार्यकर्ता भेटघार गरिरहेको उम्मेदवार केसीले बताउनुभएको छ ।

उहाँले कांग्रेसका आस्थावान जेष्ठ नागरिकहरुले दिने माया र आर्शिवाद तथा युवा पुस्ताले दिईरहेको साथले आफूलाई जितको लागि सहज भईरहेको बताउनुभयो । दशकौसम्म रुकुम पश्चिममा सत्ता बिमुख भएका कांग्रेसजनले पाएको पीडा र भोगेको अन्याय चिर्नलाई कांग्रेसले जित निकाल्ने उहाँको भनाई छ । 

जिल्लामा विकास प्रक्रियामा भएको एकलौटीपन, दलिय दम्भ र अन्यायमा परेका आम नागरिकले आफ्नो उम्मेदवारीलाई विकास, समृद्धि, न्याय र समानताको रुपमा लिएको उम्मेदवार केसीको भनाइ छ । 

केसीले भन्नुभयो, “आत्मनिर्भर रुकुम र विवेकी रुकुमेली बनाउन म राजनीतिको मैदानमा आएको छु, आर्थिक उत्पादनका गतिविधिहरुमार्फत गाउँमै स्वरोजगार बन्ने अवस्था निर्माणका लागि प्रतिबद्ध छु ।” उहाँले गाउँमा देखिएको उत्साहले आफूलाई थप हौसला बढीरहेको बताउनुभयो । 

परिवर्तित परिस्थिती अनुसार पुस्तान्तरणको मागलाई आत्मसाथ गरेर उम्मेदवार चयन गरेको कांग्रेसको देशव्यापी लहरमा रुकुम पनि सामेल भएको उहाँको बुझाई छ । रुकुमका कांगे्रसजनहरुले आफ्नै चुनावी चिन्हमा मतदान गर्ने मौका समेत भएकोले एकढिक्का कांग्रेसकै कारण आफू ढुक्कले जित्ने केसीको भनाइ छ ।