रुकुम पश्चिममा चुनावमार्फत एमालेका महाधिवेशन प्रतिनिधि छनौट

नेपाल कम्युनिष्ट पार्टी (एमाले) रुकुम पश्चिमले एघारौ राष्ट्रिय महाधिवेशनको लागि प्रतिनिधि छनौट गरेको छ । 

मतदानमार्फत प्रतिनिधि छनौट गरिएको हो । 

यहि मंसिर २७ गते देखि २९ गतेसम्म काठमाण्डौमा हुने राष्ट्रिय महाधिवेशनमा जिल्लाबाट सहभागी हुने प्रतिनिधिहरु छनौट गरिएको हो । 

दुई जना खुल्ला, एक जना युवा, दुई जना महिला र एक जना दलित गरेर ६ जना महाधिवेशन प्रतिनिधि निर्वाचनमार्फत चयन गरिएको निर्वाचन अधिकृत अधिवक्ता गणेश हमालले जानकारी दिनुभयो।

अधिवक्ता हमालका अनुसार महाधिवेशन प्रतिनिधिहरुमा खुलातर्फ नन्दराम देवकोटा र दिनेश चन्द, महिलातर्फ कौशिला केसी र हिम कुमारी केसी, युवातर्फ प्रकाश खड्का र दलिततर्फ शशिराम नेपाली चयन हुनुभएको छ ।