एमालेको एघारौ राष्ट्रिय महाधिवेशनको लागि रुकुम पूर्वबाट पाँच जना प्रतिनिधि सर्वसम्मत छनौट

नेपाल कम्युनिष्ट पार्टी (एमाले) रुकुम पूर्वले एघारौ राष्ट्रिय महाधिवेशनको लागि प्रतिनिधि छनौट गरेको छ । 

यहि मंसिर २७ गते देखि २९ गतेसम्म काठमाण्डौमा हुने राष्ट्रिय महाधिवेशनमा रुकुम पूर्वबाट सहभागी हुने प्रतिनिधिहरु छनौट गरिएको हो । एघारौ राष्ट्रिय महाधिवेशन प्रतिनिधि छनौट निर्वाचन कमिटीका प्रमुख निर्वाचन अधिकृत अधिवक्ता किरण गौतमका अनुसार दुई जनाा खुल्ला, एक जना युवा, एक जना महिला र एकजना दलित गरेर पाँच जना महाधिवेशन प्रतिनिधि छनौट गरिएको हो । 

सर्वसम्मत छनाैट हुनुभएका महाधिवेशन प्रतिनिधिहरुमा नन्दलाल शर्मा (खुल्ला), वागलाल वुढामगर (खुल्ला), लिलामणि गौतम (यूवा), भावना वुढाथोकि (महिला) र  गोपाल प्रसाद सुनार (दलित) रहनुभएको छ । 

नेकपा (एमाले) को एघारौं राष्ट्रीय महाधिवेशनको लागि सर्वसम्मत प्रतिनिधिहरु छनौट गर्ने लुम्बिनी प्रदेशकै पहिलो जिल्ला रुकुम पूर्व बनेको पार्टीका जिल्ला अध्यक्ष लिलामणी गौतमले जानकारी दिनुभयो ।