रुकुम पश्चिममा संघीय सरकारको पाँच अर्ब ८१ करोड बढी रकम खर्च

रुकुम पश्चिममा संघीय सरकारको पाँच अर्ब ८१ करोड भन्दा बढी रकम खर्च भएको छ ।

आर्थिक वर्ष ०८१/०८२ मा रुकुम पश्चिममा पाँच अर्ब ८१ करोड १२ लाख ६४ हजार ९१० रुपियाँ ७७ पैसा खर्च भएको कोष तथा लेखा नियन्त्रक कार्यालय रुकुम पश्चिमले जनाएको छ । 

कार्यालयका प्रमुख पूर्ण ओलीका अनुसार संघीय सरकारको रुकुम पश्चिममा गत आवमा विनियोजन गरेको बजेट मध्य उक्त रकम खर्च भएको हो । 

उहाँका अनुसार खर्च भएको मध्य चालुतर्फ चार अर्ब १७ करोड १४ लाख ८३ हजार ७९७ रुपियाँ ८५ पैसा र पूँजिगततर्फ एक अर्ब ६३ करोड ९७ लाख ८१ हजार ११२ रुपियाँ ९२ पैंसा खर्च भएको छ ।

कुल बजेट मध्य चालुतर्फ ९२.८९ प्रतिशत र पूँजिगततर्फ ८१.४६ प्रतिशत खर्च भएको कोष प्रमुख ओलीले जानकारी दिनुभयो ।