सोलाबाङ बजार अनुगमन : कुहिएको कुखुराको मासुसहितका अवैध सामान नष्ट

रुकुम पश्चिमको सोलावाङमा बजार अनुगमन गरिएको छ । उद्योग तथा उपभोक्ता हित संरक्षण कार्यालय रुकुम पश्चिमको अगुवाइमा मुसिकोट नगरपालिका– ४ मा रहेको सोलाबाङ बजारमा अनुगमन गरिएको हो । 

१८ वटा पसल अनुगमन गरिएको उद्योग तथा उपभोक्ता हित संरक्षण कार्यालय रुकुम पश्चिमका प्रमुख रमेश ओलीले जानकारी दिनुभयो । किराना पसल, होटेल, नास्ता पसल, फ्रेस हाउस, कस्मेटिक पसलको अनुगमन गरिएको प्रमुख ओलीले बताउनुभयो । उहाँका अनुसार अनुगमनको क्रममा म्याद गुज्रिएका विभिन्न सामान जफत गरेर नष्ट गरिएको छ । 

उहाँका अनुसार आठ हजार ४० रुपैंया बराबरको सामान जफत गरेर नष्ट गरिएको छ । भ्यास्लिएम १५ वटा, हेयिररिणमोल ७ वटा, वोरोपलस, ५ वटा, मेहेन्दि चार वटा, फेसवास १, गिलिसिलिन, २ वटा, टेनबक्स वियिर १८ वटा र कुहिएको कुखुराको मासु साढे एक किलो जफत गरेर नष्ट गरिएको हो । 

त्यस्तै अनुगमन गरिएका मध्य अधिकांस पसलहरु दर्ता नगरेको पाइएको छ । उद्योग तथा उपभोक्ता हित कार्यालयमा व्यवसाय दर्ता गरेको भए पनि अधिकांस व्यवसाय स्थानीयतहहरुमा दर्ता नगरेको भेटिएको छ । अनुगमन टोलीले केहि सुझाव पनि दिएको जनाएको छ । 

अनुगमनमा जिल्ला प्रशासन कार्यालय, पशु अस्पताल तथा पशु सेवा कार्यालय, मुसिकोट नगरपालिका, सोलावाङ प्रहरी चौकी र अन्य सरोकारवाला निकायको सहभागिता रहेको थियो ।