प्रेस सेन्टर बाँफिकोटको अध्यक्षमा बलबहादुर चयन

रुकुम पश्चिमको बाँफिकोट गाँउपालिकामा प्रेस सेन्टर नेपालको पालिका स्तरीय अधिवेशन सम्पन्न भएको छ । 

शुक्रबार भएको पालिका अधिवेशनबाट बल बहादुर खत्रीको अध्यक्षतामा पालिका कमिटी चयन गरिएको छ । 

जसको उपाध्यक्षमा प्रेमकुमार विश्वकर्मा, सचिवमा तृप्ति विश्वकर्मा, सह सचिवमा गणेश बिक र काेषाध्यक्षमा मनकुमारी खत्री चयन हुनुभएको छ । 

त्यसैगरी सदस्यहरुमा पाेषण मल्ल, महेन्द्र परियार र सुनिल बिक चयन हुनुभएको छ । 

अधिवेशनमा नेकपा माओवादी केन्द्र रुकुम पश्चिमका प्रचार विभाग प्रमुख मेगराज खड्का, पार्टीको बाँफिकोट गाउँ कमिटी अध्यक्ष चन्द्र बहादुर केसी, प्रेस सेन्टर नेपाल रुकुम पश्चिमका अध्यक्ष मनिष खड्का, नेपाल पत्रकार महासंघ रुकुम पश्चिमका जिल्ला अध्यक्ष गोपाल प्रसाद रेग्मी, सचिव दिपेन्द्र महतारा लगायतको आतिथ्यता रहेको थियो ।