अखिल नेपाल खेलकुद महासंघ रुकुम पश्चिमको अध्यक्षमा प्रकाश

अखिल नेपाल खेलकुद महासंघ रुकुम पश्चिमको प्रथम जिल्ला सम्मेलन सम्पन्न भएको छ । 

बिहिबार मुसिकोट नगरपालिका -५ स्थित सहिद स्मृति प्रतिष्ठानमा भएको सम्मेलनबाट प्रकाश बिकको अध्यक्षमा २१ सदस्यीय जिल्ला कमिटी चयन गरिएको छ । 

महासंघको जिल्ला उपाध्यक्षमा नवीन ओली, सचिवमा करण के.सी., सहसचिवमा पोषण मल्ल र बिकल्प ओली र कोषाध्यक्षमा कमल सुनार सर्वसम्मत चयन हुनुभएको छ । 

नेकपा (माओवादी केन्द्र)को भातृसंगठन अखिल नेपाल खेलकुद महासंघ रुकुम पश्चिमको प्रथम जिल्ला सम्मेलनको उदुघाटन पार्टीका केन्द्रीय सदस्य तथा कर्णाली प्रदेशका पूर्व मुख्यमन्त्री राजकुमार शर्माले गर्नुभएको थियो ।