वन प्राविधिक संघ लुम्बिनीको अध्यक्षमा रुकुमका केशर खड्का सर्वसम्मत निर्वाचित

नेपाल वन प्राविधिक संघ लुम्बिनीको अध्यक्षमा केशर खड्का निर्वाचित हुनुभएको छ। 

प्रजातान्त्रिक वन प्राविधिक संघका तर्फबाट उम्मेदवार हुनुभएका रुकुम पश्चिम निवासी खड्का सर्वसम्मत अध्यक्षमा चयन हुनुभएको हो । 

संघको उपाध्यक्षमा सूर्यप्रसाद मैनाली, सचिवमा रोबर्ट महरा र अनुपा सिलवाल,  कोषाध्यक्षमा राघवेन्द्र प्रताप चौधरी निर्वाचित हुनुभएको छ । कार्यसमितिको सदस्यहरुमा नवराज शाही, नवीन पाण्डे, भावना रिजाल, कविता गैरे, एजाज अन्सारी र कमला सुनार निर्वाचित हुनुभएको छ ।  

लुम्बिनी प्रदेशमा १६ सय जना सरकारी कर्मचारी सहित ७ हजार बढी वन प्राविधिक मतदाता रहेका छन् । 

मुलुक संघीय संरचनामा गएपछि इन्जिनियरिङ एशोसिएसन पछि वन प्राविधिक संघ प्रदेश समितिको निर्वाचन गर्ने दोस्रो संस्था भएको नव निर्वाचित अध्यक्ष खड्काले जानकारी दिनुभयो । 

उहाँले प्रदेशमा सम्वद्र्धन प्रणालीमा आधारित वन व्यवस्थापनलाई थप सुदृढ बनाउने र यसबारे वहस तथा पैरवी चलाउने बताउनुभयो । वन विज्ञहरूलाई योग्यताको प्रमाणपत्र वितरण गर्न नेपाल वन परिषद्  केन्द्रमा स्थापना गर्न संघले प्राथमिकतामा राखेर काम गर्ने उहाँको भनाई छ ।